جنون ديجيتل

الظاهر يا جماعة إن الكمبيوتر أثر على عقلي خلاص

لحسه

وعشان كده بحذركو انتو كمان

خدو منه أجازة

ولو إن دا صعب .. أنا عن نفسي أدمنته

المهم .. بسببه أصبح عندي تشويش في الأفكار

وبقيت بحلم كتير أحلام يقظة

إزاي ؟

اقولكم

لما تكون حاجة ضايعة مني في البيت أو المكتب

تصوروا ايه اللي بيجي في دماغي

اضغطي على زر search

ولحظات واستوعب ان دا في عالم الكمبيوتر بس

مش في البيت ولا في المكتب

وفي نفس الوقت اتمني داخليا أن زر search دا نلاقيه في حياتنا

لأني، وبكل فخر، نسايه جدا

ولما أحط الحاجة في حتة معينة قليل لما افتكر حطيتها فين

حطيتها فين .. فين ؟

وكنت نص وقت المذاكرة بتاعي تقريبا ضايع في البحث عن الأقلام

حاجة تخنق

ولذا أنادي بزر search لكل مواطن تايه زييي