يا ريتني لاعب !!
عنوان الخبر : مليون جنية لكل لاعب حالة الفوز باللقب
التفاصيل : كشف أحمد شاكر أمين صندوق اتحاد كرة القدم المصري الموجودة مع البعثة في غانا أن مكافأة الفوزر باللقب تصل إلى مليون جنية لكل لاعب.
اللهــــــــــــــم لا حسد
كل تعليقي على الخبر .. يا ريتني كنت لاعب ، مش عارفه ازاي وأنا بنت .. بس ما علينا
وساعتها بقى .. مش اشكال بقى اخد مليوووووووووووون أو نص مليون أو حتى ربع مليون، وطبعا بعد ما اعصر على نفسي لمونة، هقبل بيهم يله .. ويله عن ما حد حوش
11 comments:
مليون جنيه يالهوي ياريتني كنت حتي الراجل اللي بيمسك الراية بره الملعب اكيد برضوا بياخد من الحب جانب
بصي انا ممكن اشترك فى برنامج من سيبرح البنون...او ممكن الواحد يشتغل رعاشة..وده اعتقد انه طريق مضمون للوصول للمليون ولا ايه.
صوصو
ايه النق ده
متخليهم يلعبوا وياخدوا فلوس ماهما لو مخدوش الفلوس دى غيرهم هياخدها
على الاقل احنا عارفين مين الى خدهم
بدل ما ياخدهم واحد من الى منعرفهمش
او من الى منعرفش انه بياخد الفلوس ويجرى
تحياتى
Anonymous ...
مقدرش افيدك في موضع الراية دا. بس احتمال يكون قبضة كويس يعني على أساس ان اللعبة اصلا محبوبة جدا ودخول اللي بينتموا ليها كبيرة
صوصو
متهيألي حكاية رعاشة دي دخلها مضمون
لكن نضمن الدنيا والله اعلم في الآخرة خلينا في دخلنا الحالي افضل
وطز في المليون
momken ...
افكرك اني قلت اللهم لا حسد
بس يعني من رأيي انه في مصر ناس تانية اكيد بتعمل حاجات مفيدة برده ويستحقوا التقدير والفلوس .
اما اللي بيخدوا ويجروا فدول حسبنا الله ونعم الوكيل فيهم
ساعات بتكون فعلا مستفزه الحياه دي ياهاله و خصوصا زي ماقلتي فيه ناس كتيره تانيه بتعم حاجات مفيده برضه و بتخدم بيها الناس و مش بتاخد ربع المبلغ ده
يالا ربنا يسهل للجميع
تحياتي لكي
طيب يا هاله دول مليون جنيه فى بطوله تعرفى انى لاعبيه النادى الاهلى فى بطوله العالم فى اليابان خدو مكافات 100 الف جنيه فى ماتش بمتوسط الف جنيه الدقيقه ان شاء الله لو ربنا ادانى ولد لطلعو لاعيب كوره بلا تعليم بلا نيله
أجندا حمرا
نورتي المدونة ويارب دايما منوراني .
وادعو معك ربنا يسهل للجميع
والله لكل (كار) مميزاته وعيوبه ... بس المهم الواحد يشتغل في (كار) حابه ويعرف يخدم فيه ويفيد نفسه واللي حواليه...
والرزق ده بتاع ربنا ... ويا رب بكرم الجميع ويفتحها علينا من وسع
والسـ ختام ــلام
mohamed hesham
فعلا عندك حق ان لكل (كار) مميزاته وعيوبه ، وأهم حاجة زي ما قلت حب العمل ودا شيء مهم جدا.
وأدعو معك ويا رب بكرم الجميع ويفتحها علينا من وسع
وتحياتي لك
Post a Comment