كل سنة وأنا طيبة
انهارده عيد ميلادي
وقليل جدا لما افتكر يوم عيد ميلادي
حصلت مرة أو مرتين ... بالكتير اوي تلات مرات
وعشان كده قررت اصالحني انهارده
لأني كتير اهملتني .. وزعلتني .. كتير أوي
وكتير قلتلي إني بكرهني
عشان كده يا ريت اسامحنى
ولأول مرة، وعشان اصالحني، أقولي
بجد أنا، وانهارده بالذات، بحبني
وكل سنة وانا طيبة
17 comments:
كل سنة وانتى طيبة يا هالة وعقبال 100 سنة يا رب
دوبة
وانت طيب يا دوبة
متشكرة اوي
لولو
*****
كل سنة وانتي طيبة يا لولو يا حبيبي
ان شاء الله تتذكريه المرات القادمة ويا ريت تفضلي مصالحة نفسك وتحبيها علي طوووووووووول
هابي بيرث داي تو يو
shereen sobhy ...
حبيتي شيرين
وانت طيبة ياجميل
وشكرا على التهنئة الجميلة دي
happy birth day ...
mohamed hesham
متشكرة يا محمد على ذوقك
واتمنى لك التوفيق
كل سنه و انتي طيبه عزيزتي و عقبال مليون سنه و انتي سعيده و محققه كل اللي نفسك فيه و زياده كمان و ايوه كده جميل التصالح مع النفس
ربنا يسعد كل اوقاتك عزيزتي
حبيبتي أجندا حمرا
وانتي طيبة يا جميل وربنا يسعدك انتي كمان وتحققي كل اللي نفسك فيه
متشكرة يا حبيبي
كل سنة وانتى وهالة طيبين،وعقبال البكارى انشاء الله ، واوعى تزعلى هالة تانى ادينى بقولك.
Anonymous
وانت طيب أو أنتي طيبة
وإن شاء الله هحاول ما ازعلش هالة تاني.
كل سنة وانتي طيبة يا لولو كمان مرة
مع ان انا أول واحد قلتلك كل سنة وانتي طيبة
فاكرة؟
MEDOKA ...
وانت دايما طيب
متشكرة اوي عن انك كنت اول واحد تقولي كل سنة وانتي طيبة.
كل سنة وانتي جميلة يالولا ومتالقة فيقلوبنا كلنا ياغالية
اول مره اجى هنا بس من حسن حظى كل سنه وانتى طيبه
على فكره بهنئيكى على البلوج فى الشكل والاستيل حلوه بجد وكمان الموضوعات متنوعه
قلوب حائرة..
متشكرة جدا يا حبيبتي على كلامك الرقيق وربنا يخليكي ليه
رئيس جمهوريه نفسى ...
ارحب بيك على مدونتي .. نورتها بجد ويارب دايما منورها.
وبشكرك جدا على ذوقك ورأيك في المدونة.
وفقك الله
Post a Comment